.

.

.

ڪِلّڪِ عَلَى بَعْضِڪْ مِثَلْ ~» حَفّنـَـہَ تَرآبْ ..

ز............................ . . . ذَرّيْتَهآ بوَجِه الرِّيَآحْ و تَلآشَتْ !!

றǾŋ!яα •●®

~

I'm on my way to ~> leave.. !

سَـــــئِمــْتُ ..{ ‘’‘’

سئمتُ منكِ ..

سئمتُ من كُلِّ شيء ..

أعتذر لكِ مدونتي العزيزه ..

فسأبتعد عنكِ وعن حياتي كلها ..

سأنطوي في زاويةٍ مُظلمةٍ تحتويني ..


{ فلــن أجد أفضل من احتضان الظـُلـْمَةِ لي ..

..


إلى لقاءٍ قريب ياعزيزتي ..

{ يــآرب ~

يـــآرب

كُــلـِّـي خوفٌ عليهِنّ ..

أتمنى مواساتهن ..
أتمنى أن أخفف عنهن ..

أتمنى أن تكون لي شجاعة لأذهب لـِ تعزيتهن ..

..

لكن كيف لي أن أرى أعز الناس عندي وهم في حالٍ لا يعلم به الا خالقهم ..

الشوكةُ يشاكونها فـ تؤلمني ..
الدمعةُ تنزل من أجفانهن فـ أحس بها تُحرِقُ قلبي ..

فكيف بوفاةِ عمهم وحزنهم على فراقه ..

يارب كن لهم ..

يارب ألهمهم الصبر والسلوان ..

يارب أنر قبره وثبته عند السؤال وأرحمه فإن رحمتك وسعت كل شيء ..

اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، ونقه من الخطايا كما ينقى الثوب الأبيض من الدنس ، أبدله أهلاً خيراً من أهله ، وداراً خيراً من داره ، وجيراناً خيراً من جيرانه ، اللهم لا تحرمنا أجره ، ولا تفتنا بعده ، واغفر لنا وله.. آمين


يــآرب ..
كُن لهم ..

فطور رمضان 11/9

نفس أمس


=)

فطور رمضان 10/9

مكرونه‍ بالدجاج المفروم..


شوربه ..


اممم محمد معزوم عند صقيقه وأسامه كان عند ماما ..

فطور رمضان 9/9

اليوم كان زي أول يوم ..

=)

فطور رمضان 8/9

اليوم برضو ما صورت ..


بس العشا كان مكرونه

شوربه ..

لازانيا ..

فطاير بالزعتر
بيتزا
سينابون








..

فطور رمضان 7/9

اليوم ما صورت ..



الفطور كان لقيمات - تمر - ماء - فيمتو - تانج - قهوه


,,


العشاء كان ..

شوربه

سمبوسه


فطاير جبن وفطاير دجاج


مكرونة بشاميل


مكرونه بكرات البطاطس المحشيه باللحم المفروم ..
وهذي صورتها .. بس ماخذتها من منتدى لأني نسيت أصور
هع









..

فطور رمضان 6/9

كنا ببيت جدتي الجوهره ..




=)

فطور رمضان 5/9

اليوم الفطور كان لقيمات وتمر وقهوه كالعاده ..




والعشا كان ..


كبه



رز أبيض



مقلقل ربيان >> هع فاضيه وقلت اجرب اسوي ربيان بدل الدجاج وصار لزيز قدن




شوربه



فطاير من آل سليمان يابعد تسبدي يامنيّر ومجيّد ورويّم ..








..


ودي السفره بأه

فطور رمضان 4/9

ومازال العِقابُ مُسْتَمِرّ



=)

فطور رمضان 3/9

لآ فطور ولا عشاء ..



خلهم يعرفون ان الله حق ..


ناس ما يستاهلون ..

فطور رمضان 2/9

السلام عليكم ورحمة الله وبركاته ..

اليوم عاد ما سويت شي كثير ..

قلت مير والله منب كارفه الا لين تصلحون مكيف الطبخ

عاد زين تكرموا علي وزينوه اليوم العشاء

المهم ..


العشا كان كالتالي


قاورمة سمك الهامور >> قدمتها كـ صلصه فوق الرز





..

فاهيتا ..

>

..

شوربه ..



..

سنبوسه بالدجاج

سلطه ايطاليه

جيلي [ توت - كرز ]

كريم كراميل ..





..

السفره قبل ..




..


بعد ..
للأفس ناقص نفر ..

محمد كان رايح يفطر عند امي

فطور رمضان 1/9

السلام عليكم ورحمة الله ..

اليوم أول ايام رمضان ..

ومن أذان الظهر دخلت المطبخ ..

بديت الطبخ ..

أسأل هاللي عندي وش تبون تتعشون .. يقولون أي شي ..
قلت وش اي شي عطوني شي محدد .. قالوا اللي تبين ..
عاد صراحه ما أدري وش اسوي ..
ذا الطبخه .. ولا ذي .. ولا ذيك ..

عاد قلت الشرهه مووب عليكم على اللي مسويه لكم اعتبار وسألتكم

قمت لفيت السنبوسه [ لحم و جبن ]
بمساعدة اختي ندى اووه عفواً اخوي حمامه [ اسامه ]
يحليله كرفت عاد وخليته يقطع ويقلي و و هع بس ماقصرررشي
عاد فطورنا كان تمر وقشطه ومويه وقهوه وفيمتو هوووع مدري وش جابه بس يلا هع ..



..

أول شي بهاراتي ..



اووه بهاارااتي عاد وهـ يالبيه بس اعشقها هع



فلفل أبيض + كزبره مطحونه + ثوم مطحون + باربيكيا + بهارات جدتي ام علي الخنفشاريه + بهارات عمتي موزه + خلطتها حقت الكركم + كمون + قرفه مطحونه + كركم

هذي كل بهاراتي .. وهـ وقسمن اعشق تتبيلي للأكل << هع ماادح نفسه




المهم

الطبق الأول ..

سنبوووسة لحم

السنبوسه حشيتها ..
وحشوة السنبوسه :
بصل
ثوم
كزبره خضراء
بقدونس
لحم غنم مفروم
ملح
زيت زيتون
بهارات

..

سنبوسة جبن مالح

جبن مالح وزعتر وبقدونس مفروم وشوي زيت زيتون
<< قووووووووووليييييي قسسسسم ..
فيه احد ما يعرف طريقة حشوة السنبوسه ؟؟

<< اسامه تكفّل بطبخها ولفّ بعضها

الطبق الثاني ..

فيتوشيني لافونجي

المقادير:


- جبنة بارميزان
- بقدونس
- بصل
- ثوم
- مشروم بري (فطر)
- باستا .. النوعين باستا بالسبانخ .. و باستا بالبيض .. اللي تكون عرضها 5 ملم ..
وهذي صورتها






- كريمه للخفق




- ملح وبهارات

- طماط مقطع قطع صغيره

- زيت زيتون


أول شي أسلق الباستا بزيت زيتون وملح وبهارات..

بعدين احط بقدر .. زيت زيتون وبصل وثوم واخليها شوي ..

أضيف عليها المشروم والملح والبهارات..

احط معها الكريمه المخفوقه واخليها لين تثقل وتتجانس ..
بعدين احط الباستا عليها واحط معها جبن البارميزان والبقدونس والطماط وزيت الزيتون..

و اخليها تتسبك شوي بعدين احطها بحصن التقديم ..

والمفروض انها تتقدم على طول عشان الباستا ما تعجّن ..






.........




الطبق الثالث ..

دجاج صيني بالصويا صوص والرز المسلوق ..

المقادير:

- صدور دجاج مقطعه بالطول خاليه من العظم
- نشا
- بصله مقطعه أنصاف دوائر
- حبه فلفل بارد مقطعه بالطول [ أخضر + أصفر + أحمر ] لو نوع واحد يكفي هع
- فص ثوم
- ربع كوب معجون الطماطم
- كوبين ماء
- رشة ملح
- ملعقتين طعام صويا صوص حلوه
- ملعقتين طعام صويا صوص مالحه
بس أنا استخدمت 4 ملاعق صويا صوص نوع واحد وحقتي أتوقع المعتدله


الطريقة:

- تغلف الدجاج بالنشا من كل الجهات
- ثم نقليها بزيت غزير حتى تشقر ثم تترك جانبا
- نحمس البصل والثوم في قليل من الزيت
- نضيف الفلفل البارد وصلصة الطماطم والصويا صوص والماء ورشه الملح
- نضيف عليها الدجاج الذي سبق تحضيره
- وتترك على نار هادئه لمده ربع ساعه
عاااد تقدم مع الرز الأبيض المسلوق

........


شوربه ..

عاااد معروووفه طريقتهاا

المهم عاااد اليوم كان صعب وماكنت بكثر طبخات عشان مابي اكرف من أول يوم هع


المهم


هذي صورة السفره

قبل وبعد

عااد قسسسسسم ما امداني احط شي على السفره الا والكل يطب..
ابي ارتبها على الأقل .. مااااا أمدااني ..

كلهم طبووا .. قلت هيه انت ويااااه
خلووني اصووور

قال ابوي الحمدلله والشكر ..

قلت اي الحمدلله والشكر بس بصور ..
قدّروا قعدتي ن الظهر بالمطبخ عشان بطونكم

هع عااد وقسم مامداني اقول تشششك الا ويطبووون هععع << قصدي صوت الكاام هع


قبل




بعد
هععععع

عادي عائله سعووديه مافي أخلاق بالأكل ههههههههههههه





وهذي صور طبخاتي


الفيتوشيني








والـ دجاج الصيني مع الهاااشي حقتي .. وهـ يالبييييه






وووو بااااااااس عااد خلصنااا ..

اذا غاب القووط .. العب يافار هع Fuddruckers

السلام عليكم ..

أنا اليوم طنت في راسي العزيز فكره ..
بما اني انسانتون كريمتو الأخلاق ..
و بما إن أبوي سافر اليوم للطايف << الله ييسر له القعده ليوم الجمعه يارب
ومعطينا خبر من امس بالليل
فـ قلت يابنت ورى ما تسوين شي تسذا يوسع صدرتس باتسر بدال القعده بالبيت ..

والا اني قعدت افكر وافكر وافكر ..

ونطت لي فكرتن خونفشاريتن جميله ..


دقيت الساعه 11 ونص قبل الظهر على حميدان اخوي ..
قلت له اينك يافتى ؟ قال ليه قلت سوعال .. قال طالع عندي شغل وبجي على اذان الظوووهر ..
قلت له طيب وين بتتغدا فيه ..
قال ليه بتسوين غدا .. قلت لااع ..
قلت حموووودي ..
قال هلا ..
قلت ابي نتغدى سوى بمطعم ..
قال والله ؟
قلت اي والله
قال بااااس ابشري انتي وين تبين .. << ينعن ابو الفله لقيت من يدلعني
قلت اي مطعم اهم شي اني اجتمع مع اخواني بمكان واحد << يمدحون اللواقه
قال خلاص بس معكم فلوس ؟ قلت ماعليك بتكون قطه هع .. قال خلاص ان شاء الله ..
انس يوم سمع طاري الفلوس وأنه بيدفع قال ماااابي اروح مامعي فلوس .. قلت لمحمد ماعليك والله انه مطنوخ وبعرف اطلع الفلوس منه ..

المهم وسكرت ..

وركض عند حمامه قصدي اسامه ..
اسااامااااه .. اسووومي .. هيه قم بنروح نتغدى بمطعم << يمديكم على اللي ماقد شافوا خير
قال اووف ولف الجهه الثانيه وكمل نومته .. قلت كيفك لا تجي


المهم وجا محمد و وقوّمنا اسامه من النوم .. ونزلنا تحت ..
قابلتني الشغاله .. قالت مناير انتي روح مدام؟ .. قلت لاااء شوي واجي ..
شافت المسواك في فمي .. قالت مناير انتي في صوم ؟ قلت لاا ليه .. قال انتي ما ياكل شي صباح ..
قلت لها والله ما تدرين اني مفضّيه كرشتي متعنيه عشان المطعم

المهم وركبنا السياره .. ورحنا لمطعم [ فدركرز Fuddruckers ]
الموهيم ودخلنا وروحنا لطاوله صادّه هع
يوم تسذا ويجينا ذاك الفلبيني الأطخم



<< ماتستحي هي ووجها تصوره
المهم انا طلبت كاليفورنيا
والعيال مدري وش طلبوا ..
جا وجاب معه مناديل وشوك وسكاكين ..




<< هذي حقتي << قولي قاااء
وطس عقب ..
المهم وابطى الحبيب ما جاب الشسمه ذاك
وقعدنا نسولف شوي الا وجانا باربع صحون صغيره فاضيه ..
قلت وششششش تحسسسس به انت بتوكلنا هوا ..<< وقسم مدري وش تبيييييين انتي هههههههه قراوه..
اسامه قاعد يضحك .. يقول امشي الله يخلف على امّن جابتتس ..
امشي نعبي هالصحون سلطات..
قلت قل قسم .. آخذ سلطه كثر ما ابي ؟
قال ايه .. قلت فنااااااااصااااااااااااه وقسمن ..
هههههههه وربي اني مدري وش احس به اليوم ..
رحت اعبي صحني سلطه ..



وجاني اسامه يوسوس لي << حشى بليس موب اسامه هع ..
قال لي يابنت املي صحنتس وحللي فلوستس اللي بتدفعينها ..
قلت هقوتك ؟ قال والله ياشيخه .. وش وراتس ..
قلت قداااااااااااام .. ماتدري اصلاً اني اعشق شي اسمه سلطات

وهذي النتيجه



المهم وجانا هالفلبيني .. قلت يقلع شكلك مافيه الا انت بهالمطعم
قال وش تبون من المشروبات .. قلت له I want Mirinda Orange with ice
ومحمد زيي ..
واسامه وانس 7up with lemon and ice




وهذا صحني المملوح مع الميرندا وحبيب ألبي الفلفل
..

وهذي الطاوله هعون


..

المهم شوي الا ويجينا شايل 3 صحون بيد .. وصحني بيد ..
قلت يييقلللللللللللللع بليييييسه شلون ماطااحت
حسيت بلحظه انها بتطيح من عيني ..

الموهيم وهذي كاليفورنيتي ..




انا تربعت وفسرت كمومي .. هعون مادريت الا واسامه ومحمد وأنس قاموا ..
قلت وين على الله ؟
قالوا بنروح نحط الصوص ونجي ..
قلت بجي .. قال محمد يختي انتي بصوصتس وجاهز ..
قلت كيفي


المهم ورحنا .. انا قسسسسم خقييييييييييت عند الصوووص اللي عندهم .. ودي اتسلف منهم كم قاروره لرمضان




انا خذت باربيكيا ومايونيز وتشيز حار هع ..<< ماخذتهم تتفرج عليهم بس .. المووهيم .. وعدنا لأدراجنا << اكشخ
هذي وجبتي



هذي حقت محمد



وهذي حقت اسامه ..





وهذي لأنس .. هع لعوطها الله يحوم تسبد العدو



.. وهذي المائده عن بُعد



والسلطات ما أنوكل الا ربعها .. قال تحلل فلوسك قال


وهذي قطعتون من وجبتي ..



هههههههههههه طبعاً هي خبزه طويله .. انا قلت وش بياكل ذاا كله ..كلت نصها ..
ويوم شفت العيال مشغولين بالزرط .. قمت خذت مناديلهم ولفيت النص الثاني .. و [ وززز] بالشنطه هع

حرام .. آخذه للشغاله ازين من انه يكب بزبالتهم

وعقب طلبنا قطعة براوني لنا كلنا .. << الحين بانت القعاطه ..
هع لا جد حرام.. نتشارك بوحده ازين من انا نجيب 2 بـ 40 ريال هع ..

طبعا ما أمداني افتح الجوال واضغط على الكميرا الا ونصها رايح .. وجع اصبروا بصور ..

ما مداني اصورها وزرفت صورتها من النت هع


وبما اني عندي حساسيه من الشوكليت .. كلت من الآيس كريم ..

..

رحمها الله


وهُنا الضحيه من جانب آخر ..

هههههههههههههههههههههههههههه قسم ماااشاافوا خيير




وعقب عاد هذي قطتنا << أححححلىىىى يامطاانييييخ




والحسااب طلع 206 بس هع
وطبعاً طول وقتنا هبال وضحك وسوالف << هع عساه دوم ..


ووو غيرنا جو وهذا اهم حاقه بالدوونياا كل ابوها ..

رمضان

بسمڪ اللهم ،،

*{ رمضآن

ڪم تهفو نفسي لِـ لقائڪ ..
ڪم أتمنى أن تعآنق روحي أنسآمڪ ..
اشتقت إلى الذهاب لمسجدنا القريب وأأدّي صلاة التراويح ..
أذرف أدمُعاً عِند سماعي لآياتٍ تهزني وأنا أصليها ..
حكاية حبڪم اشتقت إلى صُنع ألذ الأطباق الرمضانيه وڪُلّي بهجةٌ لقدومڪ ..
أنتظر على مائدة الإفطار بڪل لهفه سماعَ [ الله أڪبر ] لأبدأ بأدعيتي لأمي ولي ولمن أحبهم ..
أڪره ذهابي إلى السوق لشراءِ مستلزمات العيد ..
لأني لن أقضي وقتي وأغتنمه بما يفيدني ..
اشتقت إلى مڪوثي الطويل في [ المطبخ ] ..
اشتقت إلى سماع البرامج الرمضانيه التي تُبّثُّ من أثير إذاعة القرآن الڪريم أثناء تواجدي في المطبخ ..
أحس بلهفةِ روحي وبهجتها لقدومڪ ..

..
برنامجي الرمضاني المُعتاد:
ماقبل أذان الفجر بساعه او ساعتين أقوم بصنع أطباق خفيفه ..
أصلي الفجر ثم أنام ..
يوقضني المُنبه [ صوت إمام المسجد القريب ] عند أذان الظهر ..
أصلي ثم أقرأ ما تيسّر لي من القرآن ..
أذهب إلى المطبخ لأبدأ بعمل الإفطار .. وتجهيز العشاء ..
المغرب .. أفطر، أصلي ثمّ أذهب لأكمل طعام العشاء ..
العشاء .. أذهب لأصلي التراويح مع أخي "محمد" ..
وبعدها أبقى مُستيقضه إلى وقت السحور وهذا الوقت يُمثل وقت راحةٍ لي ..
وهڪذا يڪون روتيني الرمضاني ..



مودةُ قلبي لـ ڪم


..

سأفعل كل ما أريد فعله ..
لاأحتاج من يملي عليّ مايتوجب عليّ فعله..
سأتجاهل استهزاءكم ورفضكم واستصغاركم لي..
انا أريد أن أكون أنا..

سأثبت لكم من أكون..


I promise to prove to everybody who I am

اسمي : منيره .. او كما اعتادت عليه مسامعي .. [مناير]
أولُ صَرَخاتي كانت في الرابع عشر من سبتمبر 1990

اعيش في عزيزتي الرياض المزدحمه !!

يووه مليت من الفصحى هع بكتب بالعاميه ..

هوايااتي:
السباحه .. الرسم .. كتابة الخواطر ..


مزاجي:
احب الهدوء .. واعصب بسرعه


اكلاتي المفضله:
المكرونه بجميع انواعها وطرق طبخها ..
كل السلطات ..


أحب:
الراحه, الهدوء, الفكاهه, الكتب, القراءه, الرسم , الكمبيوتر, القهوه, الشاهي, الصداقه, الأطفال, الطبيعه, البحر, التأثيث..


أكره:
الكذب, البيبسي, الخيانه, الكاتشب, الباذنجان, ورق العنب, الظلم, التخلّف, الازدحام, الدراسه, السمنه..


تعاملي مع الناس:
ناس اتعامل معهم بقسوه .. لكني احبهم .. >> ماراح اقول ..
وناس .. اتعامل معهم بحب وود وأحبهم .. >> صديقاتي واهلي والغالين علي ..
وناس اتعامل معهم بقسوه لأني اكرههم .. >> كل من سبب لي جرح وألم..
وناس اتعامل معهم بحب وقلب مفتوح .. لكن في الحقيقه اكرههم >> مثل اللي لي مصلحه عندهم زي المدرسات او نحوهم ..

..

الواني:
احب اكثر شي .. الأسود,الأحمر,العنابي
واوقات افضّل الألوان الحيويه مثل التركواز والفوشي والأخضر الفاتح وغيره


..



صديقاتي:
احبهم .. اعزهم .. اغليهم ..

امجاد, ريم (ص) ,ريم (ج), أمل , ساره , هلاله, ضحى, بشاير,نرجس, فاطمه, ريم حسن, مطره..
اوووهووو كثيير ماشاء الله .. وعذرآ ما نسيت أحد .. بس لو بقول اسماء الكل ما بخلص ..



أهلي:

احبهم ..

وواحد منهم اكرهه هو وعياله

..


طموحاتي:
تعلّم عدة لغات غير العربيه والأنجليزيه والفرنسيه .. واجادتهااا كـ كونفرزيشن ورايتينق
التخصص في إدارة والتطوير البشري .. [تطوير الذات]
العمل في وظيفه أحبها ..
شهادات معتمده من خارج المملكه ..
دراسه وتخصص بالخارج ..
تفوقي على الكل ..
صنع شيء لم يفكر به الغير ..
واحلآم .. ياخي الأحلآم ببلاش ..



احب اسوي:
اعمال فنيه ..
حلوياات ..
تصاميم ..


نفسيتي:
فتره تتحطم وتصير أشلاء ..
وفتره تكون في العلالي هع ..

اضحك لأتفه سبب
وابكي لأتفه سبب


أعبر عن نفسي بالطفله في الغالب ..

احب البراءه ..

..




في خاطري :
اتمنى ان عندي اطفال ..
اربيهم وازرع في نفوسم اشياء افتقدناها بهالزمن وبهالأجيال الجديده
وقبل 5 سنين كانت موجوده ..
صفات ربوني عليها اهلي ..
وهالجيل ماااافيه ولا صفه منها ..
كل جيل .. اسوء من الجيل اللي قبله ..
لاا احترام ولا تقدير للكبير ..
الكذب صار عاده ..
السب والشتم والقذف صار على لسان الصغير قبل الكبير ..
الغرورو ذبح عالم ..
الشذوذ كثر ..
الولد يصير بنت والبنت تصير ولد .. عااادي ..
الام تروح دار العجزه والأبو بعد .. وعاااادي..
الزوجه تحط الزوج خااتم في اصبعها والزوج يهين زوجته وعمرهم ماعاشوا حب وتفهّم .. وعااادي..
البنت يودونها اهلها للمدرسه تتعلم .. وترجع لهم مدمنة سجاير ورقمها عند كل شاب .. وعاااادي..
البنت عندها اكثر من خوي .. واحد تشكي له مشاكلها مع اهلها والثاني مع خوياتها والثالث الله العالم .. وعاادي ..
الشاب .. يخاوي فلانه وعلانه .. وحده اسمها بجواله حثاله1 والثانيه حثاله 2 .. واخته ماتمسك التلفونه الا ويكون عندها .. وعاادي
الصديق يخون صديقه .. والسر لين انقال ينتشر اكثر من السوالف العاديه .. وعاادي
البنت .. مغترّه بجماالها وتصور نفسها هنا وهناك .. ويوم وصلت صورها لاخوها .. قالت يمه الزمن غداااار والربع أغدر .. وعااادي
تمشي بالسوق وريحتها تفووح عطوور .. واللثمه مغطيه الفم بس .. واذا رمى عليها واحد رقم تقول ليه .. وعااادي
ولا خويتها تمشي بسووق ويوم دخلت محل شافت البيااع هندي فتشت .. ليه؟ الهندي مو رجال .. وعااادي ..
..



المدن اللي أحبها :
كوريا, اليابان, بريطانيا, استراليا


اللغات المفضّله:
الكوريه,اليابانيه,الأسبانيه,الانجليزيه



شرابي المفضّل:
هووولسسسسستتتتن رممممآن
هع بس خففت من شربه



اممممممم هذا اللي في بااالي ..


ووو إلى اللقاء << متأثره بالكرتون هع

I will back to you

أبتعدُ عن حبيبتي [ مُدوّنتي ] متجهةً إلى شوآطئ [ سبيسي ] لفترة .. الله أعلم بعدتها ..

سأُعدِّلُ مابكِ مدونتي من أخطاء ومشاكل في النظآم وسأعودُ إليكِ بأحرّ من الجمر ..

وأعدكِ بأنني سأُلبسكِ ثوبآ جديداً من تصميمي بإذن الله .. وسيعجبكِ ياغاليتي ..

كُل ما حُذف من كتاباتي سأحاولُ البحث عنه بين أحضان ملفاتي ..

وسيكون موجودآ في مساحتي الخاصه في الـ MSN او ما يُسمى بالـ space إلى أن أعدل ما بكِ .. بإذن الله ..

لن أجد غيركِ مرفأً لقلبي ..

مودتي لك .. وشوقي ابتدأ من هذه اللحظه ..

^_^

تمّت العمليه لـ [ جهآزي ] بنجآح ..

.

.

.

تمّت العمليه لـ [ جهآزي ] بنجآح ..

لكن هنآلِكَ عوآرِضُ مآ بعد العمليّه ..

حيثُ انه أصبح يُعآني من ألمٍ في الصّوت أو بالأحرى أُصيبَ بـ الخرس ..

إذ أنهُ تبيّن أن المُشكِلةَ ليست في التعريف ..

والسبب لهذآ المرضِ مجهول ..

وأجمعَ الأطِبآء أنه رُبمآ كآن عآرضٌ يأتي بعد العمليّه ..

وسيتِمُّ العِلآجُ اللآزمُ لذلك ..

بالإضآفةِ إلى العِلآج الطبيعيّ ..

وسيكون كُلُّ مآ سبق في مستشفى العُليّآ التخصُصِيْ للأمرآض البآطنيّه والمجهولةِ المصدر!! ..

مع العِلم أنهُ مع الحُبوب المُنشّطه ستكونُ هُنآك إبرةُ [ رآمٍ ] إضآفيه ..

دعوآتُكُم للغآلي بالشفآء .. ~

BRB

BRB

BRB

BRB

.. وهـ وحشتني المدونه هع ..

امممممم شسمه آول شي بسدح لكم الجدول الكئيب ..

السبت:فيزياء وتوحيد

الأحد: كيمياء

الإثنين: نحو

الثلآثاء: انجلش

الأربعاء: حآسب

السبت: رياضيات وحديث

الأحد: احياء

الإثنين: أدب

الثلآثآء فقه

الأربعاء: هع خلآص خلصنا شتبون زياده بعد ..

الفيزياء كان حلو

التوحيد موش ولآبد هع

الكيمياء كان صعب بس التيتشر تقول ان الدرجات حلوه..

النحو حلووو ..

والانجلش يجننننن..

والحاسب هع اسئله سخيفه والحمدلله 15 من15 هع

الرياضيات اممممم مظلومين فيه فـ ما يحتاج احكم على امتحاني ..

الحديث حلووو

الأحياء حلو بالرغم من صعوبة الأسئله..

الأدب .. امممم حلو هع بس حطيت قصيدة بشار بدل المتنبي >> فهآوه ..

الفقه يجننننننننن صراحه هع

المهم هذي اخبار امتحاناتي ..

اممممممممم

طبعآ مثل مآقلت من قبل اني من طآلبات النظآم .. أو بالأحرى انا المشرفه عليهم خخخخخ بس اكثرهم كرف وشغل..

وطبعآ معاي شلتي المحترمه ..

الجده [ نرجس ] هع ام ابراهيم أو مرة محمد هع >>هههههههه عاد الله يهديني انا ياكثر ما افضح بخلق الله .. هع

فطوم ..

ريم ..

عنود ..

اممممممم مين بعد ..

اتوقع بس هع

المهم طبعآ كل يوم نقعد مع بعض ونسولف

وو بعد هههههههه دروس خصوصيه لنرجس في الرومنسيه والخرابيط هذي وكيف تكون زوجه مطيعه وأم حنون هع

المهم واكثر شي نسويه طبعآ نلعب لعبة الصراحه ..

طريقتها انووو نجتمع يعني ونجلس على الأرض على شكل دائره ..

وناخذ غرشة مويه فاضيه ونخليها بالوسط ونخليها تدور اذا وقفت تكون تأشر على بنتين ..

الأولى تسأل الثانيه سؤال محرج والثانيه تجاوب عليه بصراحه هع ..

المهم في يوم من الأيام .. قعدنا نلعبهااا ومستاانسين يعني على الفضايح اللي تطلع >> نعنبو بليسك يالشيطانه هع ..

كذا مره جآ علي الدور هع وانا كنت تسلبه ما افوت الفرصه ما اخلي البنت الا وجهها كنه طمااطه ..
اذكر مره جا علي الدور وسآلت فطيم ..
قلت فطوومه .. تخيلي ان احمدوه ذا اللي متشعلأ في السطوح على قولتس قال لتس احبتس ..
وش تسوين هع ..
قالت عاااااادي..
قلت افا ياذا العلم يعني مب انتي وياه شسمه ..
قالت لااع خلاص..
قلت هوّ مافيش حاقه خلآص..
قالت لااااء هع..
قلت اوكي راحت علي هالمره ..
وجا هالمره الدور على ريم .. هع وسألتني ..
قالت اوكي انا بدي اسألك نفس السؤال اللي سألتييه لفاطميييه ..
قلت اسألي لك تؤبري الب الجده ان شاء الله < وجع يالنذله هع ..
قالت .. لك لو الشخص اللي انتي بتحبييه آآآل لك كلمة بحبييك شو بتسآوي او شو بتكون ردة فعلك ..
قلت هااه ..
قالت اللي سمعتييه ..
يعني انو بيشوفك فيس تو فيس وبيئول لك بحبك ..
قلت اها بس يالتسلبه ماعندي هالخرابيط هع اصنن اصنن لو يشوفني بيقول احبك احبك لين ما يمل هع..
قالت اوووووووف لهالدرجيي واااثقه .. قلت لآ يكثر انتي وسؤالتس السخيف ..
قالت وليييييي لك انتي اللي سئلتي موو اناا ..>>وجهي قسم بالله تلوون هع <<
قلت اهوه اخلصوا بس ولفوا القاروره هع ..
المهم وكملنا لعبنا وكنت اجاوبهم بصراحه واتحفظ على الأشياء الخاصه جدن هع ..
المهم اليوم اللي بعده قلت هين يالتسلبآآآآآآت انا اوريكم اجل تفكرون هالتفكير عني ..
اصبروا بس هع ناويه لكم على شر وببين لكم نياتكم الفاسده هع ..< هههههههههههه انتي افسدهم ..
اللي صار الله يطول بعمري هع اممممم اي اي صدف وجت القاروره علي انا ونرجس ..
قلت ايواااااه تعآلي .. انا قبل شوي يوم حطيت راسي على كتفك حبيتيني ..

لآوعلى عيوني بعااد .. احد يحب على العين يالتسلبه هع منب رجلتس محيميد وقسم ..

>مادريت الا القاروره تتجه الى وجهي الجميل هع < قلت اوكي بسأل خلآص .. هع .. مآسر هذه البوسه هع هع ..

قالت ياخي حتى انا مستغربه من نفسي .. آآبوووتس خلآص ما حبيتتس ولا شي انسي يحوول ذليتيني على هالبوسه هع ..

المهم ولفيناها كذا مره .. وكل وحده سألت خويتها .. جت مره ثانيه علي انا ونرجس ..
بس كانت نرجس اللي لها السؤال..
وجتنا استاذه اكرهها هع وقعدت تضحك تقول شتلعبون .. قلنا لها اللعبه وشرحناها ..
قالت نرجس يوووووه وش اسألها ذي .. قالت الأستاذه اسأليها اي شي ..
قالت نرجس اممم اي اي ابسألك .. تحبين استاذه [فلآنه .. << هي نفسها الاستاذه هع] ..
انا كشّرت قلت وشآآآآآآآو..
قالت الاستاذه اكيييد تحبني .. انا بغيت اخمها بنعلتي .. يااااااامصلهااااا ..
المهم يوم طست قلت يالتسلبه انتي تدرين انها اكره انسانه على قلبي يالحماره يالكلبه يالمروحه .. هين شغلتس عندي ..

هع المهم .. لفيناها مره ثانيه وصارت برضوا علي انا ونرجس بس انا اللي أسأل ..

قلت اوكي .. تخيلي تخيلي .. اممممم انك الحين اذا رحتي للبيت ..
حصلتي سيارة محمد عند الباب ..واستآنستي وكنتي متوتره يعني ..
ودخلتي للبيت وسكرتي باب الشارع ..

وهو جا بوجهك وكان بيطلع وانا جيتي بوجهه يعني خلآص مابينكم مسافه كبيره وكنتي اكيد شلتي العبااه وش بيصير بينكم ..

قالت يووووووووه والله ما تشوفين الا غبرتي انا وياه [ يعني كل واحد بيستحي من الثاني وبيشرد هع ] ..

قلت وجعاااااااااه سعوديين قسم بالله منتوا وجه رومنسيه ..

والبنات ضحكوا علي هع المهم سألتني وحده منهم ..
قالت وش اكثر اسماء تكرهينهم وأكثر اسماء تحبينهم ..

انا قعدت احوس بمخيخي الجميل .. وقلت اللي أكرههم عبد العزيز وأحمد وعبدالله و..الخ ..
والاسماء اللي أحبهم محمد وفآرس وتركي

الموووهييم عقب عاد جا الدور على فطوم وريم وسألت ريم فطوم وش العيوب اللي فيني وجاوبتها

وجت على فطوم وعلي هع .. قالت وش تتمنين يصير بكرآ ..
ضحكت ..
وقلت في نفسي هين يالتسلبات انا اعرفكم تفكيركم وصخ مب انا اللي تفكيري وصخ .. وبثبت لكم يالمعفنات هع هع ..

المهم قلت اتمنى .. آآآآآآآه وش اتمنى بس .. امممم استحي اقول .. اوكي بقول بقول ..

قلت اتمنى اني اشوفه بكرا ..

واناظره بحنآآن ..

وأبوس خده ..

وألعب بشعره ..

واضمه لصدري بحنان ..

>البنات هنآ فتحوا عيونهم<

خييييييييييييبه تصيبك مناير وجع ..

قلت وجعتين بكمل ..

قلت ولما اضمه واهمس باذنه ..

اشيله عن صدري ..

واحط الرضاعه في اثمه واقول يالبى قلبك يافارس .. ههههههههههههههههههههههههههههه

وكلللهم فقعوووووووووا ضحك قلت ايييييييييييي من اللي تفكيره غلط انا ولا انتوا هع

هااااااااااا يالخاايسااات انااا وربي اقصد فروووسي يالبى قلبه مووو شي ثاني هع هع

...........................

فآصل اعلآني

HOLSTEN

.............................

المهم بعد كم دوره في اللعب ملينا وقعدنا نسولف واللي تقول بتسافر واللي تقول مدري وين بتروح ..

سألوني وش مخططاتي في الاجازه ووين بسافر .. قلت انا اسافر هع انا بوادي والسفر بوادي..

..

المهم اذكر بعد في يومن من الأيام الكئيبه [ ايام الامتحانات ] .. كنت مكروفه كرف الحمير..

يعني مااا يمديني اجلس الا وتناديني معلمه سوي كذا وسوي كذا وجيبي كذا وودي كذا وقولي لفلآنه كذا ..

قالت لي نرجس ياانعن ابوهم ياشيخه ليش الحين ينادونتس انتي بس ليه ما يطلبون من غيرتس ولا ماملينا عينهم ..

يختي حرام عليهم ذبحوك .. قلت شسوي .. ربك يعين

المهم أول ما جلست التفتّ على اليسآر شفت المشرفه الإجتماعيه [ آمنه ]..

قلت لنرجس شوفي الحين بتناديني وأذكّرك .. قالت من هي ؟ قلت شوفي يسارك ..

مادريت الا واسمع .. منيراااااااااااااااااااااه منيراااااااااااه الله يعاافيك تعاااااالاااااااااااي ..

قلت وجعن يوجعهاا وانا عصبت ونط عرق براسي .. هع

قمت على اساس اني بروح لها وعينايَ تتوقدُ شرراً < لآ يكثر .. هع شسمه ..

لقيت العنود قدامي وصرخت فيها خير ان شاء الله هاااذيلا ماعندهم الا انا .. تعالي معي نمسك ذاك الدرج ..

المهم ويوم وصلنا عند المشرفه انا كنت اكمل كلآمي وهواشي للعنود .. التفتّ لأستآذه آمنه وكانت معها المشرفه الثانيه [حصه] ..

يوم جت عيني بعين آمنه .. تقول لي العنود قسم بالله قلب وجهك وحمممر مبين انك معصبه مره ..

:سيكو: عاد انا شفت المشرفه تبلع ريقها ههههههههههه ياعمري خآفت مني ..

المهم قالت منيره حبيبتي والله آسفه آدري تعبتك معآي بس ما أثق الا فيك ..

كشرت بوجهها وفي نفسي اقول ياملغتس بس ..

المهم قلت لها لآ بس يا استاذه قهر البنات المصريات تاركين الدرج الثاني وحنا الضحيه وحنا المضغوطين ..

قالت اصلآ ايمان وربعها شطبي عليهم .. سفهتها ورحت .. وعنود رجعت مكانها ..

المهم وانا امشي سألتني حصه شلوون اختبارك التفت لها وحسيت الدنيا تدور مسكت راسي وغمضت عيوني هع

>:سيكو: مب زين لي العصبيه بس ياكثر ما أعصب <

قلت ها ! قالت شفيك قلت لا بس شقلتي ما سمعت .. قالت امتحانك ..

رفعت راسي قلت زفت وكملت طريقي ..

وكان امتحاني الرياضيات ..

ومن بعدها المشرفات معد صاروا يطلبون مني شي هع اخيرآ هجدوا ..

قالت لي نرجس والله عرفتي لهم بس لو انك مسويه هالحركه من أول كآن ارتحتي الحين ..

قلت لآ عادي معليه ..

وعدت السالفه على خير ..

...........................

فآصل اعلآني

JAVA TIME

...........................

وواذكر بعد سآلفه صاارت ..

كنا متفقين نسوي فطور جماعي يعني .. وانا قلت اوكيشن علي الحلى وشاهي ومسليات للشااهي ..

المووهيم مااتذكرت الا في الليل وسويت حلى سريييع وسهل يعني ما يحتاج وقت..

الموهيم جدتي كانت جايبه القهوه وتسآلي كبير حار وبوب كورن ..

وريم كانت جاايبه معها شوكولاتاتون وفطوم مآذكر شجابت ..

عاد انا بعترف بشي :سيكو: انا طبعآ كنت امشي على دايت معين قبل الامتحانات ..

وللأسف كان ماباقي لي الا سبوعين بس واخلص من الداايت ..

بس لآني شسمه .. >فيس عبيط< هع طبعآ وجبتي طيلة ايام الامتحانات [شآآهي وبسكويت مآري]

وو طبعا ببدى الدايت من جديد اليوم ..

المووهيم ماعلينا نرجع لسالفتنا .. طبعآ الشله يحبون الحلويات اللي اسويها هع ونااصه ..

فـ يوم شسمه ذااقوا الحلى انا كنت خيفاانه انه ما يعجبهم لأني سويته بسرعه بسرعه ووو المقادير مو مضبوطه ..

بس الحمدلله طبّوا عليه ومابقى الا قطعه قلت حرام هذي لمحمد هع محد بياكلها ..

المهم قالت نرجس .. [ يآآسعد رجلتس فيتس .. هع انتي يبي لتس تاخذين لتس واحدن معصقل عشان تسوين فيه خير ويسمن من حلوياتتس]

عاد انا خديدآآآتي قلبن حمر وهـ استووحي هع

قلت صدز ياجده انفع اصير ربتو منزلن ؟

قالت هآآآآآآآآآآآآآوّ ومن عنده شك في هالحتسي .. انتي بنيتي تربيتي ..

قلت يالبى قلبتس ياجدتي وهـ قسم استحي.. هع

قالت يلا آول الخطااب اخوي حمد قلت لاااااااااه مابيييييه ضحكت قالت لييه ولا مو قد المقام ..

قلت مو قصدي بس شسمه مابي سعودي ابي وهـ بريطآآني .. او وهـ اسكتلندي مثل ديزموند هع هع ..

او وهـ خليجي .. امارااتي مثلن هاه يعني شسمه من هالنمونه يعني .. قالت اهااااااااااااا وضحكت .. فهمتني يعني هع ..

قالت نرجس كلمه على اساس انها يعني متشفقه على يوم العرس وشآبتن ضو وسط قليبها من سبايب ابو عيالها >> ههههههه يالحماره توهم مااعرسوا

قعدت اضحك قلت هييييييييييي بنت ياحوووماااارااااتووون انكي ستوخربينني وستووفسديييناا اخلااااقيي الحاامييداااه ..

قالت اوووووووف انتي تخربين بلد بكبره قلت ياويلتس من ربي حراام وربي ظالميني ..

×برايفت للشله هع>> اجل شوفي فطوم اللي احم واحم لحالهم ما ينفع لازم احم يسوي شي بين شسمه وشسمه عشاان يصير الشيسموووونه هههههههههههههههههههههههههههههههه >>بنآآت بالله موو انا فضيحه هههههههههههه..×

ضحكت نرجس و قالت يلا بس اهجدي انتي وياها ..

عاد انا انسدحت وحطيت راسي على رجلها ..

ههههههههه وطبعا الشااهي وبسكويت ماري بين احضاني هع

قلت بنات دامنا الحين شبعنا والساعه 12 .. خل ننزل الحين نتصل على اهلنا ..

محمد بيجيني الساعه 1 حرام المدرسه الحين فاضيه ..

الموهيم وجد نزلنا ودخلنا الاداره وكانت هونااالييكاا اومتوو محمد .. قلنا اذا خفت الزحمه اتصلنا على اهلنا ..

المهم في كراسي طويله بالساحه الداخليه .. يعني تقريبا الكرسي الواحد يجلس عليه 4 اشخاص ..

عاد الجده جلست على طرف الكرسي وانا جلست جنبها وحصلت الساحه فاضيه..

وانسدحت عالكرسي وحطيت راسي على رجل نرجس ..

خخخخخخ والله كنا سكرانين ذاك اليووم ونبي نرقد ..

انا غمضت عيوني على اساس باخذ لي غفوه ربع ساعه بس هع ..

نرجس فكت شعري وقامت تلعب ..

هههههههههههههههههههههه عاد انا استحيت كنت متسبحه بشآمبو جونسون حق الأطفال وخفت تشم الريحه هع هع..

المهم تمت تلعب بشعري وتدخل اصابعها .. قالت يووه مناير ماتحسين ؟ قلت وت؟

قالت ماتحسين يعني بشعور لما احد يلعب بشعرتس .. قلت لاااع سبحان الله انا غريبه ..

مااا اتحسس الا من امي بس .. وواذا لمست شعري احس جسمي كله ينممل ..

يعني انتي والعنود وميمي وعمي وخالتي ومدري مين .. والله ماحسيت بشي ..

امي بس اللي حسيت ان شسمه مدري شعور غريب بس كنه مثل ما تقولين احس يكشّ شعر جلدي هع ..

قالت اييه الله يجيب بعض النااس اللي شسمااااااه وهذاااااااا ووو احم ..

قلت كلي تبن فهمت قصدك بس عادي ما اتحسس وبس هع ..

قالت اي زين سكتي بس ..

وقرربت وجهها لوجهي وهمست فاذني .. قالت مناير تخيليني [..] وانا العب بشعرتس ..

هع عاد انا من الحيا انتفضت واستحيت وطحت من عالكرسي قلت حسبي عليتس يالتسلبه استحي ترى ..

المهم جت فطووم .. قالت تخيلوا انكم الحين كل وحده فيكم بتشوف الشخص اللي تحبه ..

شبتسوون او كيف بتقاابلونه او وش بتقولون له .. قالت ريم انااا لسى ماابحب حدا ..

قلت ايه هيّن احلق رمشي .. ولييييييك وينووو عمااااااااد

قالت هااااا قلت هويتي اجل ماتحبين هاا وضحكنا ..

المهم قالت فاطمه لنرجس وش تتمنين ..

قالت خلآص كلها كم شهر واعرس ويتحقق كل شي مابي اتمنى الحين خلي امانيي بقلبي >>ههههههههههههه حماره ..

قالت فاطمه .. ها وانتي مناير ؟ شبتسوين ..

قلت قولي انتي قبل .. لو شفتيه ماذا ستفعلين ؟ قالت لاااا هذي يبي لها تفكير .. قلت لا يكثر ..

قالت يلااا مناير قولي .. انا استحيت .. خخخخخخخ والله جد احس السؤال محرج حبتين ..

قالت نرجس .. اهوه احكي .. قلت شسمه .. همست باذن نرجس بكلمه [آتمنى .. آهمس باذنه آحبك ] هع

عاد الحماره صفررت وياااهوووووووووو يااحركاااااااااات اوووماا تسووينهاا

الموهيم وعدت السالفه على خير ..

هع

وووو بص هذا اللي اتذكره

تشآآوووووز

|| Line ~

I just wanted to say, even if I never talk to you again in my life, you are special to me and you have made a difference in my life.

I'll Always Be There

In times of trouble,

In times of need,

If you are feeling SAD,

You can count on me.

I will give you a wink,

Until you smile,

give you a hug,

And stand by your side.

I'll be there for you till the end,

I'll always and forever, be your friend!

Remember ..!!

If you deal with your problems calmly, you will be stronger

I Think You Understand Me [R] !

..

.........................................................=)

|| أورآقي ×~

اشتقت إليكِ مدونتي ..!!

فـ عُذرآ .. سآبتعد عنكِ قليلآ بسبب ضغوطِ الدرآسه ..

عزيزتي .. سأفتقدكِ حقآ ..

=)

كفآكِ يآنفسُ استعلآءآ ..!!

لن أكآبر .. فقد اشتقت إليها ..

لن أكآبر .. فأنآ حقآ أحبها ..

أقسم ان لكِ دومآ دعوآتٍ تنبِعُ من صآفيَ قلبٍ كآن ولآ زآل يحبك ..

..

لن أنسى السنين القلآئل التي ملأنآهآ انا وأنتِ بمحبة كآنت لله وفي الله ..

..

كم أنت حقيرٌ يا ابليس ..!

لِمَ تُحِب أن تُفسِد على البشر حيآتهم ..!!

كم كنت اتمنى أن أكون انا وهي كمآ قال الرسول صلى الله عليه وسلم ..

[ سبعة يظلهم الله يوم لآ ظل إلآ ظله .. اثنآن تحابا في الله اجتمعا عليه وتفرقا عليه .. ]

..

رُغم مآ حصل .. سأظلّ أحبهآ ..

لتقل انها تكرهني .. فمآ حصل ومآ بَدَرَ مِن كلآنآ ليس بقليل ..

..

:: رُبَّ ضآرةٍ نآفعه ::

..

قُلتِي لي [ لآ تدعي لي .. فلآ اريد دعوآتٍ غير صآدقة منك ]

دعوآتي لكـ رُغم كُل مآ حصل ..

وفقكـِ الله في كل أمورك ..

..

قبل أيامٍ عده ..

كنتُ ابحث في اوراقي القديمه بُغيةَ ان اتخلص من الاوراق العديمة الفائدة لدي ..

وقعت عيناي على خآطرةٍ تخصهآ ..

وكآنت يوم التقيتهآ ..

قرأت في عبارآتي الفرح والسعآده التي لم أذقهآ من قبل في شتى كتآبآتي ..

سأنقلهآ نصّآ..

:: منذُ ان عرفتهآ وأنآ اتمنى اللقاء بها ..

أحببتها من كل قلبي .. اعتبرتها الأخت الكبيره .. نصفٌ آخرٌ لي .. توأمآ لروحي .. صديقةً عزيزه .. وربمآ اكثر ..

كنت ألحُّ على أهلي ليسمحوا لي بمقآبلتهآ في المركز أو السوق النسآئي ..

اتفقنآ عدة مرآت على اللقآء .. وفي كل مرة يكون هنآك عآئق ..

في هذآ اليوم ( 27/1/1428 هـ) يوم الثلآثآء ..

قررنا الذهاب الى هذا السوق النسآئي ..

اتصلت على أمي وكنت قد خرجت من آخر امتحآنٍ لي ..

سألتهآ اذا ماكانت موآفقةً أم أنها غيرت رأيهآ ..

حآولت امي ان تؤجل اللقآء فرجوتها حتى أبلغتني موافقتهآ ..

اخبرت صديقتي بأني سآتي الى السوق .. وبإذن الله سيتسنى لنا اللقآء اليوم ..

فرحنآ جميعآ ..

وبالنسبة لي كنت بجآنب سعآدتي وفرحتي خآئفه ومتوتره ..

..

وصلت الى السوق ودخلت انا وأمي وخالتي .. ذهبنا الى الاستقبال ومِن ثُم دخلنآ مع البوابه ..

رأيتها جآلسه على كرسي .. نظرت اليها وأنا متيقنه بأنها صديقتي التي طآلما حلمت بلقياها ,,

قلت لأمي اترين تلك الجآلسةُ هنآك ؟!

قالت امي نعم .. مآبهآ ..!

مددت يدي مشيرةً اليها وقلت:هذه .. [ .. ]

..

من بعيد قالت لي صديقتي متسآئله .. منيره ..!!!

حقيقةً لم أكن أعلم كيف كنت سأقآبلها ..

أأحتضنها أم اكتفي بالسلآم والمصآفحه ..!!

سلّمت عليها .. ولم اصدق انها هي الا عندما سمعت صوتها ..

..

كآنت مجرّد سآعتين .. ربمآ اكثر أو أقل .. لآ أعلم ..

لكن أقسم بالذي خلق هذا الكون .. أنها من أسعد لحظآت حيآتي ..

كأنني كنت افتقد شيئآ ثمينآ .. ثم حصلت عليه ..!!

..

لآ أعلم كيف أصف مشآعري اليوم .. !!

لآ أملِكُ في خآطري سوى دعوةٍ أدعوآ ربي بهآ .. وأسأله ان يستجيب دعوآتي ..

[ اللهم كما جمعتنا في هذه الدنيا الفانيه .. اللهم فاجمعنا في الفردوس الأعلى في أعلى عليين وعلى سرر متقآبلين .. انا وهي ومن نحب ]

................................................................................. منآير .. يوم طلعة بشرى ::

اسأل الله ان لآ يكون هنآكَ متحآبَينِ يكون مصيرهمآ كمصيرنآ ..

آسآل الله أن لآ يُفرق قلبآنِ تحآبآ فيه ..

وأسأل الله أن يُسخرُ لها الصديقةَ التي تتمنآهآ وأن لآ يجعل بينهآ وبين من تحبُّ من صديقآتهآ فرآق ..!!

أسأل الله لهآ التوفيق ..

بعثرةُ كُتِبتْ ومُنآي ان أوصل اعتذآرآ بعد صراعٍ مع استكبآر نفسْ !!

..

بقلم: قلبٌ ارتآح بعد اعترآف ..!!

|| يمـــه ×~

’

’



ضميني يمه حييييل لصدرك .. ضميني بعد اكثر.!!

يمه حنآنك من هالدنيا ومآفيها يغنيني ..

ضميني ضاقت بي الدنيا .. ابي ارتآآآح ريحيني !

ماهقوتي يمه شي من دنيتي يسعدني ..

خلآص .. سعآدتي اندفنت يايمه بين طيآت صفحاتي ..

رميت [دفتري] .. وبقسوتي .. بتراب الارض غطيته..

قلت برتاح من همومن كانت فيييه تطري لي ..

بس والله مازادتني الا هموم فوق هموومي..

يمه ماعاد لي شي في هالدنيا يعنيني..

يمه ضاقت بي الدنيا ابي حضنك اوسعي لي ..

ابي ارتااح يايمه من عنآ وقتي الظالم..

ومن قسوة قلوبـ (ن) ماترحم من يسآليها..

يمه رجيتك ابي لي تلاقين حل ..

رجيييييتك يمه عسى يومي قبل يومك ..

يمه دنيتي مابيها ولا تبيني ..

الناس فيها لا ترحم ولا فيها احد يعدل ..

يمه وجاني العيد ولا به احد يسأل..

لآ حبيب ولا رفيقن بقدومه يهنيني ..

يمه رجيتك طلبتك ضميني اكثر ..

مابيرحني من قسوة دنيتي غير دفآ قلبك الغالي ..

فديتك يمه مالقيت قلب غير قلبك ..

اذا اخطيت يسامحني على اخطائي ..

واذا اني قلت لك شي قلبك يغفر ويسمح..

مالقيت مثلك يا يمه لا تلوميني..

لو أقوول ياجعل يومي قبل يومك..

اقولها من كل قلبي والله يقبل دعاائي..

احبك يمه ياعسى ربي منك ما يخليني..

لا ابي لا حبيب ولا صديق ولا حتى اخو ..

ابيك يمه بقربي .. قربك يكفيني ..

يمه دورت بقلوب البشر ولا لقيت مثييلك ..

يمه ترى والله مافي غير قربك يسليني ..

الشرقيه ، الخبر [ رحلتي - صور ]

بسم الله

السلآم عليكم ..

[ أول شي السموحه ..

الكل يعآتبني على لهجتي لأنها تتظمن كلمآت خليجيه غير سعوديه ..

يقولون لي.. لهجتك سعوديه وافتخري فيها ..

فـ أقول لهم معآشر القوم اربعين يوم صآر منهم

وانا من خبرت النت وصديقآتي من عمآن والامآرآت والكويت .. ]

المهم .. هذي رحلتنا للشرقيه بشكل مفصّل ..

دفتري كآن بجيبي وين مآ اروح عشآن اسجل كل شي وبالسآعه بالضبط ..

وكآنت سآعتي الصغيره معآآي ..

طبعآ رحلتنا حلوه نوعآ ما ..

أحلى مافي روحتنا هي الجمعه ..

الأشخآص اللي بالرحله ..

أبوي ومحمد و أسامه وانس

عمي عبدالله وعياله محمد ونواف ولطيفه ويزيد وزوجته

عمي سعد وعمتي منى وعيالها منيره ومرام وحصه ونجود ودانه وعبدالله وعبدالعزيز

عمي خآلد

عمي عبدالعزيز [سآكن بالخبر] وزوجته ام محمد وعياله بشاير وتهاني ومحمد ومهند ونوره وليان وزيآد

وأمي وخآلآتي ..

وأنا طبعآ ..

11-8-2008

الساعه 4,45 صبآحآ

سكرت شنطتي بعد مآ حطيت فيهآ كل اللي أحتآجه لمدة يومين ..

الساعه 4,49

أدور سآعة اليد .. وللأسف ماحصلتها .. وسرقت لي سآعه من عند أبوي ..

الساعه 5,27

لبست الكوتش وانتوا بكرآمه .. هع مستانسه بطلع ..

السآعه 5,59

حطينآ كل الأغراض في السيآره ..

السآعه 7,6

شغل ابوي السيآره ..

السآعه 7,10

برايفت >>بغيت اسأل ابوي عن دعآء السفر فـ من زود الحمآس .. قلت لأبوي شنو دعآء ركوب السفر

[ سبحآن الذي سخر لنآ هذآ ومآكنآ له مقرنين .. وإنّـا إلى ربنآ لمنقلبون .. اللهم آتنا في سفرنا هذا البر والتقوى .. ومن العمل ما ترضى .. اللهم هوّن علينا سفرنا .. أنت الصآحب في السفر .. والخليفة في المال والولد والأهل ]

تحركنآ ..

مع السلآآآآمآآآه يالريآآض

..

أول مآ مسكنآ الخط ..

..

برايفت برضوو >>في نص الطريق..

شفت مخرج يودي للامآرات وعمآن ..

قلت لأبوي .. [ ابويه دخيلك ابويه ابا اسير حق عمآن ولا الامآرات دخيلك..]

ابوي سكت .. ومنصدم .. شتبييين انتي ..

[ قلت ابوويه دخيييلك ..

واابووياااه اناا بنتك الوحيده ابااك تلبي طلبي دخيلك ..

أحيدك ماابترفض طلبيي يابووووويه ..]

ابوي ساكت وماسك ضحكته ..

[ قلت ابوويه اترياااك ترمس .. هاا شوه بنسير ولا هب سايرين..]

قال لي اسامه خير شتبين انتي بالامارات وعمآن ..

[قلت شوووه تبا انته ها .. بعدين قول لي ..!!!

انته شوه اللي حارجنّك .. ابا اسير حق ربيعآتي وهلي .. <- سويت فيهآ اهل ..]

المهم اسامه يسميني الفلسطينيه الحسنآء ..

ليه ..؟! ... عشان صوره شافوها لي يوم كنت صغيره .. مآآآآ كنت سعوديه ابد :سيكو:

المهم قال اسامه بنوديك للامارات وعمان بس بشرط .؟!

قلت شوه .؟!

قال لي تتكلمين بلهجتك الأصليه ..

قلت له .. شقايل ارمس بلهجتي الاصليه .. وانا شوه لهجتي .؟!

قال نسيييناااا ..

فهمتها .. وقلت .. بديش ..! <- يعني مااابي بالفلسطيني

قاعد يضحك .. قال مافي كام .. ماراح تصورين ..

[قلت انا بطني بدو ينفكع من الجوع يازلمي..

زتوني على تريك الامارات بدي آكل جبنه نابلصييه [ نابلسيه] وزعطر [ وزعتر ] وزيت زاتوون [ زيت زيتون] ..

وبدي هاظ اللي شو اسموو .. بدي تنكة جبنيييه نابلصييه منشان تكفيني باكي عمري ..]

ابووي مآآآآآت ضحك .. قال الحمد لله والشكر ..

واسامه فاقع طول الوقت ..

خخخخ وانا عن جد اتكلم ابي أي شي عشان اروح للامارات وعمان .. :

..

المهم هذي الصوره اخذتها بنص الطريق

الساعه 10

وصلنآ بحمد الله الى الخبر ..

الساعه 10,30

وقفنآ عند مطعم سآندويشات تركيه رهيب عشآن نفطر..

بس انا ما اكلت شي

الساعه 10,52

لقينآ شقه :تلوع الجبد: بس ميزتها انها تطل على الواجهه البحريه ..

الساعه 5,30 العصر

طلعنا من شقتنا الرهيبه ورايحين لمعرض سآيتك ..

السآعه 6 الا ربع..

دخلنآ المعرض ..

الساعه 7,6

بدينا التجول في المعآرض الموجوده .. [ الفضآء – الكون – البيئه – عآلم البحآر – الخ..]

..

هذا يبيّن كيفية تكوّن البرق .. شحنة الجهآز موجبة وشحنة اليد سآلبه .. عشآن كذا تكوّن شي يشبه في تكوينه البرق ..

<< يد اسامه هع

..

وهذآ مجسم لهيكل الجمل ..وسبحآن الله توني ادري ان الجمل عنده 3 جفون !!

..

لزراعك ..!!

..

خطأ في النظآم ..!!

>

..

في نص قآعة معرض الأسمآك ..

موجود زي الزجاج اللي على شكل اسطواني كبييير ..

موجود فيه انواع كثيره من المخلوقات البحريه ..

>

..

>

..

وهذآ القرش اللي تعبت وأنآ الحقه..

>

..

وهذا قرش ثآني منسدح يعرض مفآتنه ..

>

..

وهذي ام برآطم ... اف سريييعه اخييرآ صورتها ..

>

..

وهذي اللي مناخرهآ كأنها بقره :سيكو: سبحآن الله ..

>

..

عمي عبدالله نآدآني .. مناير تعآلي بوريك شي ..

قلت هلآ ..! طبعآ كآن واقف عند حوض سمك

قاعد يقول لي طلعي لي شي غريب في هالحوض ..

وفي سمكه شكلها غريييب سبحآن خآلقها ومآبينت في الحوض ..

بس مع التصوير طلعت وآآضحه ..

سبحآآن الله ..

>

..

وقال لي عمي وهذا الحوض .. في شي غريب .. وينه ..!

وكآنت هالسمكه .. سبحآن الله ..

>

..

وهذا اللي مدري شسمه والله هع

>

..

الحين رحنا حق الطيور البحريه المحنطه ..

>

..

>

..

>

..

وانا طآلعه من هالقسم شدتني سمكه متخبيه وحبيت اصورها .. مب واضحه .. بس هي اللي تحت النبته الصفرآء

>

..

نكمـــــــــــــل

الساعه 9

طلعنا من المعرض..

السآعه 9,15

وصلنا لمكان صراحه مادري هو حديقه ولا شيييينووو .. بس صراحه كنت مفهيه ولآ ادري وين احنا فيه ..

:مآصورت:

جآ عمي عبدالعزيز وزوجته وعياله .. وعمي سعد وعمتي منى وصلوا للخبر وجوا على طول عندنا ..

وقضينآ وقت هبآل انا والبنآت .. وكآآنت معي مكسرات يابانيه ..

هي مزعجه وتطلّع صوت قوي ومزعج اذا كان الواحد ياكلها ..

فـ انا وتهآني قمنا نآكلها ونقوّي الصوت نستهبل على بشآير ونرفع ضغطها

ههههه والله كنا سكرانات استغفر الله ..

سألت وحده .. قالت شمعنى جو بالانجلش ؟ قلت مدري قالت وحده منآ اتموسفير <- عقولنا مب معنا

وكآن romantic atmosphere على قولة بعض النآس ..

قلت الله يفشلك يالتبنه آتموسفير يعني طبقآآت الجو يعني اللايرز يعني زي الاوزون تسمى آتموسفير الله يفشلكن هع << مسويه فيهاا عااد

المهم كان في مباراة للنآشئه في المكان اللي كنا فيه ..

فـ قلبنآ سوالفنا للكوره .. انا وتهآني هلآليآت وبشآير نصرآويه هههههه مسكينه هبّلنا فيها يااحبي لها ..

وصل عمي سعد ومعه عمتي منى وعيالها ..

وانا كنت دآآآيخه وميته جوع لأني ما أكلت شي من امس الا بس هالمكسرآت ..

رحت مكآن قعدة الرجآل .. وقلت لأبوي يلآ نروح للشقه انا تعبت ..

وقعدت استهبل على ابوي شويآت ..

وقال لي عمو سعد توه الوقت اجلسوا شوي لا تستعجلون ابوكم ..

قلت اقعد انا عآدي ..بس ترجعني للشقه انت ..

قال أي خلآص انا اوديك .. قلت لاا شدعوا امزح معك ..

ومآستوعبت الا اني كنت اسولف واستهبل واتميّع عندهم وولد عمي [محمد] اللي اكبر عني بسنه موجود ..

حسيت نفسي في موقف بآيخ وسحبت روحي وكآني مآآآآسويت شي ..

وومشينآ

الساعه 11,35

وصلنا للشقه وكآن عشآي [ صبّه <- فلآفل <- طعميه خخخ ] من المطعم التركي

السآعه 12,54

نمــــــــت

12-8-2008

الساعه 8,30

صحيت من النوم ..

[ ترى للحين ماشفت البحر :سيكو: ]

السآعه 8,55

راح ابوي يجيب فطور.

الساعه 9,25

جآ ابوي وقلت له ابي اروح للبحر ماااليييي شغل فيكم ماشفته حرام عليكم .. وقال طيب صحّيت اسامه ومشينآ للبحر ..

أخذت كم صوره ..

>

..

وهذا القبقب اللي أخيرآ صورته .. ومآ صار واضح الآ بالزووم ..

>

..

>

الساعه 11 الا ربع

رجعنا للشقه..

الساعه 5 العصر

وصلت امي مع محمد اخوي وخآلي نآيف للشرقيه .. وكآنت جدتي وبعض خوآلي متواجدين بالشرقيه ..

الساعه 5,20

رحنآ لأمي..

[ سلمنا واستهبلنا شوي مع امي وجدتي ]

الساعه 5,30

طلعنا من عند خوآلي ..

الساعه 6,20

وصلنا لبيت عمي عبدالعزيز وهو سآكن بالخبر ..

كنا مجتمعين احنا يالبنآت .. انا – بشآير – تهآني – منيره – مرآم ..

طبعآ بشآير في نفس عمري .. وتهآني اصغر عني بسنتين ..

ومنيره اصغر عني بسنه ومرام اصغر بثلآث سنين..

وصراحه رهيييبآآآت وفللله ..

وصراحه قعدتنا رهيبه وكلها هبال وسوالف ..وماتنمل هالقعده ..

المهم انا رحت بكلم محمد اخوي عن شي ..

شفت حجر رهيب في ديوانية الرجآل .. قال عمي ان هذي كلها معآدن ..

ويقول في وحده احلى منها بس انسرقت ..

وهذي صورتها ..

>

ويوم رحت لمحمد قال اشوى انك جيتي لأن كنت بنآديك عشآن نمشي .. قلت لاااا ابي اقعد ..

المهم ..دخلت عشآان اجيب عبآتي ..

فـ قالت لي زوجة عمي وين ..! قلت والله بروح ..

قالت لآ تكفين اقعدي ..

قلت والله شسوي في ابوي صعبه .. تعرفين نظآمه ينآم بدري ..

قالت طيب اقعدي واحنا نوصلك .. يعني بيتنا مافيه عيآل ولا شي يعني عآدي تقعدون ..

قلت والله مآ اقدر ..

وهي تحآول فيني .. بس انا عآرفه ابوي ..

قالت طيب قولي لأبوك ام محمد تقول بتتعشى ونجيبها ..

سألت ابوي ورفض ..

رحت لعمي عزبز قلت عمي بنآم عندكم قول لأخوك <- قلتها باستهبال ..

قال لأبوي خلها جد تنام عندنا مافيها شي يابو اسامه..

قال ابوي ما اقدر انام وبنتي مو حولي ..

اناا عاد شقول خلآص لو قلت شي بيلفعني ابوي ..

المهم اتفقت مع تهاني وعمي اني اروح لهم بكرا من الصبح ..

أو نتقابل الفجر على الواجهه ..

الساعه 10,24

طلعنا من بيت عمي ..

الساعه 11 الا ربع

وقفنآ عند مطعم the pizza company <- مب متأكده من السبيلينق :سيكو:

وشرينا بيتزا ومكرونه .. <- بشري امك ..

المكرونه لذيذه صراحه .. <- قلنا بشري امك..

وهذي صورته .. صورته في اليوم الثاني ..

>

الساعه 11,44

وصلنآ للشقه ..

الساعه 1,30

خمـــــــــدت

..

13-8-2008

الساعه 6

صحييت من النوم ..

الساعه 6,15

نزلت للشارع بركب للسياره .. شفت عمي خآلد ..

سلمت عليه .. قلت هلآ والله متى جيت ..!

قال والله وصلت امس الساعه 12

قلت الحمدلله على السلآمه قال الله يسلمك ..

وحصلت محمد ولد عمي عبدالله واقف ..

سألت محمد اخوي .. قلت ذا بيروح معنا .؟!

قال ايه .. قلت في نفسي .. يووه قلق يااكررررهيييي له وودي اطلع الهبال اللي فيني ..

اخااف يشوفني يقول الحمد لله والشكر اثر بنت عمي بزر .. :سيكو:

المهم مشينا للواجهه ..

طبعآ الجو كآن رهييييييب وهوااا قوي رهييب ..

دقت علي تهآني وقال يالخآينه وين اللي بتجينا ..

قلت لها مو احنا متفقين نتقابل على الواجهه ؟!

قالت ابوي يشاخر الحين ومانام الا متأخر ..

قلت أوكي خلآص ولا يهمك بقول لمحمد ولا خالد يجونكم ..

بس جيبوا معكم فطور .. قالت بجيب فول .. قلت عليك مزاج .. يلا بس لا تطولون ..

..

جو البنات منيره ومرام وبشاير وتهاني ..

طبعآ فلييينااااهاااا .. وعلى الدنيا السلآم .. انواع الهبال والصرقعه ..

بس في نفس الوقت نجرب اشكآلنا واحنا في قمة الرومنسيه ..

ونتكلم بدلع وندخل بعض الانجلش ووردز بحكينا ..

وكل وحده ميته ضحك على الثانيه .. عاد انا مآسكه خط من اولها ..

يعني رايحين فيهآ وعقولنآ مدري شسآلفتها صرآحه ..

المهم .. ماادري شعندهم الخايسات ..

مره ينادوني نور مره لميس .. الظآهر فآهمين وضعي غلط .. <- وهـ فديتني اسم الله علي من هالخآيسآت

[ يعني قصدهم مآتحبين البحر الآ لأن في واحد في القلب ]

قلت لهم ..خخخخخ الظاهر ما تعرفون منااير عدل ..

ويني ووين الحب .. انا بوادي والحب بوادي .. بلآ حب بلآ خربطه..

المهم قالت بشآير اييي الا تحبين اللي هنآك ..

وكآنت تقصد محمد ولد عمي ..

قلت نعمممم .. لو مابقى الا هو في الدنيآ ماحبيته ..

هذا خليته لك حبيبتي .. بعدين ترى هو قال لي مسآعه تراي احب بشآير..

وقال ودي اقول لها بس مستحي تكفين قولي لهااا .. <- استهبل طبعآ ..

قالت والله ..؟! لالا استحي ما اصدق انا .. أي خلآص يحليله والله ..

قالت مرآم خير ان شاء الله شصآير فيكم ..

قلت اسكتي انس اخوي قبل شوي يسألني مرآم جت ولآ لا ..

قالت لااا وع من زينه هذا الدب .. وع ..

قلت ميت عليك .. مدري شلآقي فيك يالسحليه ..

قالت منيره.. اقول فكونا بس .. الا اقول مناير.. اخوك محمد ذا خبل .. يوم كنا في السياره كان يستهبل ويقول .....

قآطعتها وقلت ايواااااااااا مدققه على حبيب القلب .. لا اله الا الله ..

قالت لااااااااا مناااير الا محمد مابيه .. قلت يااشينكم تقولون مانحبهم وانتوا تموتون عليهم ..

انا وتهآني ميتين ضحك عليهم ..

تهاني قالت اييواااا والله شغل عدل احنا بس خل نزوجهم ونفتك من حشرتهم ..

[ طبعآ كلآمنآ كآن كله استهبآل وضحك مو جد يعني ]

..

وكل شوي لما يمر محمد ولد عمي نطنز على بشاير هههههههههههه مسكينه يااعمري ماااغير نطنز عليها ..

..

المهم خذتنا السوالف ومر الوقت بسرعه واتصل خآلد وقال شتبون فطور ..

قلت أي شي .. قال مثل ايش أي شي .. قلت أي شي .. قال وين بلآقي أي شي ذا ..قلت أي شي .. <- فآصلين

قلت ساندويشات .. 4 شكشوكه و 1 جبن ..

قال الجبن لمين لمرام العصلآ صح ؟ قلت لا لمنيره ..

قال ايييه ههههههههههههه للدباا .. امزح لا تعلمينها اخاف تزعل ..

قمت اضحك على اسلوبه وقلت لا ماعليك ..

المهم جآبو الفطور وافطرنا ..

المهم .. كنآ نمشي ونترنح الصبببح .. وقسم اللي يشوفنا يقول عندهم شي ولا سكرآنات ..

وابوي كان يسبح والشباب مدري وين راحو ..

المهم كنا نمشي ونعلق على بعض وانواااااااع الضحك والهبآل ..

يوم انتبهنا لأنفسنا ان وضعنا غلط ..

شفنآ سيآره وقفت عندنا ..

واحنآ اللي بريئآآآت ولآ سوينآ شي أبدددد ..

بريئآآآآآآآآآآآآآت .. رحنا وقعدنا نلعب بالمرآجيح .. <- قسم بالله مو صاحيات ..

المهم يوم جآ اسامه وابوي .. مشت السيآره ..

قلت زين .. ونكمل هبآلنا بالمراجيح ..

بعدين رحت أصور ..

>

..

>

..

>

..

وهآذيلآ الدبين اسامه وأنس

>

..

>

..

>

..

>

..

>

..

وهـ فديتني يم النخل انا ومرام هع

>

..

وهذي سيآرتنا..

>

..

>

المهم جا خآلد وجلس معنا وأنوآآآع السوآلف والهبآل ..

المهم مر الوقت بسرعه ولآ حسينآ فيه ..

نكمــــــــل

الساعه 10,30

رجعنا للشقه..

عمو خالد ما كان نآيم من امس .. وكنا البنات قاعدين نسولف في الصاله ..

جا خالد وجلس ويانا .. قلت خآلد .. قال سمي ..! قلت شتبي قاط وجهك عندنا ..

قوم اخمد .. قال أي الحين بقوم انام يلا بس جيت اسلم واروح انام ..

قلت الله يسلمك يلا مع السلآمه روح ارقد ..

قال طيب .. المهم قعدنا نضحك عليه .. وراح ..

جا بعد شوي .. قلت خآآآآآآآآلد ..!!! ..

قال هلا هلا .. أي بنام الحين .. قلت خالد ياويلك لو ما صحيت العصر لأسحبك مع شعرك ..

وعناد مااابيركبني الباخره الا انت ..

قال أي خلآص ان شاء الله العصر ..

قلت طيب روح ارقد عشان تصحى العصر .. قال طيب ..

وجا مره ثالثه .. <- عباله رحت .. قلت خويلد يلا لفراشك لأفرشك هنا ..

قمت اضحك على نفسي .. قلت أزبّد صح ؟.. قال ايه يمه منك بسم الله .. بروح بروح ..

ههههههههه مسكييين والله رحمته .. بس يستاااهل هو اللي خلآني اعصب ..

والحمد لله نآآم بعد عنآء ..

الساعه 11

رحنآ لأمي..

فتحت لنا امي الباب وقمنا نسولف ..

طلعت علينا خآلتي فآطمه .. قالت الله يزعجكم شاللي جايبكم هالحزه ..

هههههههههههههههه مسكينه ماخليناها تنام ..

لاا وهي صررييييحه بقوه مآ تجآمل ..

قعدنا نسولف انا وخالاتي وامي وجدتي وزوجة ولد خالتي..

طبخوا الغدآ وكآن لذيذ صراحه .. من زمآن مآ اكلت من يد خآلآتي ..

المووهيم امي كانت صآيمه وحلفت عليها انها تفطر ولا والله لأطلع هع .. فـ فطرت ..

الساعه 5,23

طلعنا من عند أمي .. ورجعنا للشقه ..

الساعه 6 الا عشر

مشينا للعزيزيه <- على كلآمهم ..

الساعه 7 الا ربع

وصلنا للهآف مون..

كنت انا لحآلي والحريم رايحين لفينيسيا مول

وطق فيني عرق الأمومه صراحه هع ..

زيآد وليآن اصغر 2 بالرحله وكانوا بردانين بعد ما سبحو ..

اخذت زياد وقمت ادور له منشفه عشان ينشف روحه ويدفى شوي ..

قلت زيآد نشف روحك والبس ملآبسك ولا تسبح مره ثانيه ..

<- شدعوااا امه وانا ماادري ..

المووهيم انه مسكييين ياعمري كان بردان ..

ورحت لـ ليّونه ودورت ملآبسها ونشفتها ولبست ملآبسهآ ..

قمت اسولف معآها شوي ومادري شفيها الظآهر مستنكره القعده وان امها وخوآتها مب حولها ..

قمت العب وياها بالرمل .. ويوم شفت البنات خلصوا سباحه وصيتهم على ليان ..

وكانت اختها نوره اللي اكبر منها معاهم وقلت انتبهي لأختك ..

صح انا بنت عمها بس ماراح ترتاح معي لأنهآ اول مره تشوفني..

المهم خليتهم يلعبون وانا قعدت على الرمل و كل مآآله ويمتد الموج ..

فـ شفت الجو منآسب للتصوير

واخذت كم صوره ..

>

>

..

>

..

وهذي مسويها نوآف ولد عمي ..

صراحه مآ شآء الله عليه .. فنآآآآن ..

طبعآ كآتب ASOoOM

>

..

>

..

الساعه 8,25

ركبنا السياره وبنروح من الهاف للشقه ..

وكآن معنا مهند ومحمد وزيآد .. عيآل عمي عبدالعزيز ..

الساعه 9

وصلنا للشقه

الساعه 9,30

رحنا للواجهه

عشآن ابوي بيوصل عيآل عمي لأهلهم ..

بس تأخروا وابوي قال ماراح اقعد ..

بعدين وصل عمي سعد ومعه باقي عماني ..

الساعه11,31

رجعنا للشقه..

السآعه 12,30

نمت

14-8-2008

الساعه 6,30

صحيــت

الساعه 7,3

مشينآ للريآض ..

الساعه 12

وصلنآ بحمد الله للريآض..

وهذي رحلتنا .. من طأطأ لـ السلآم علييكووم

*على فكرآآ .. الصور أغلبهآ من تصوير أسآمه اخوويااا

Xx 6 years is enough xX

السلآم عليكم ..

اناا كنت بالابتدآئي مصآدقه وحده اسمهآ [ هلآ ]

المهم كانت صداقتنا حلوه وكانت تزورني كذا مره ..

بس للأفسسس مارحت لها ..

هالبنت مره طيوبه وحبوبه .. بعني عن جد كانت صديقه رائعه ..

..

المهم .. مرت سنوآت الابتدآئي وكل وحده فينا راحت لمتوسطه غير ..

انا بمدرسه وهلآ بمدرسه ..

..

وكنت كل ما مريت اناا واي احد من اخواني او ابوي أقول يووه هذا بيت هلآ ..

كنت اتمنى اني اتواصل معها وترجع علآقتنا زي اول ..

..

المهم ..

كنت انا وبنت عمي [ اسمها ارجوآن ] نسولف في يوم من الأيام

وقالت لي عن وحده من صديقاتها وانها كانت تعرفني ..

قلت وش اسمها .. قالت هلآ الفلآني ..

انا صراحه مادري احس فرحت يعني ممكن اقدر اتوااصل معاها او شي ..

المهم مرت السنوات ..

وكل فتره والثانيه اتذكرها واتذكر الدبدوب الصغير اللي اهدتني اياه ..

المهم ..

جتني ارجوانه قبل فتره ..

وقعدنا نسولف ومدري ايش ..

قالت .. هلآ وروان وبيان في محادثه جماعيه وضحك ..

قلت هلآ عندها ايميل ؟!

قالت ايه ..

قلت عطيني اياه تكفين ..

قالت اذا رجعت ارسلت لك ايميلها ..

المهم يوم رجعت بالفعل ارسلت لي ايميل هلآ ..

وكلمتها .. قالت مين معي .. قلت وحجده تحبك وتموت فيه ..

قالت يووه مين معي .. قلت منيره .. قالت مين منيره .. قلت منيره الفلآني ..

قالت هلآ والله .. وقعدت ترحب فيني ..

المهم .. بعد فتره قالت لي هلا .. منوور انا لازم اشوفك ..

بصراحه ما اخفيكم .. تمنيت اني اشوفها .. خصوصآ اني انقطعت عنها 6 سنين..

المهم اخذنا الموضوع جد ..

وانا قلت لأرجوانه تعزمني انا وهلآ في بيتها <- قطة فيس يعني هع..

المهم اني رحت جد لأرجوانه يوم الاربعاء اللي طاف ..

وفي الطريق .. قلت لمحمد .. محمد اتوقع مع كل هالحمااس ماراح تجي هلآ وماراح اشوفها ..

قال لا ان شاء الله بتجي..

المهم يوم وصلت وقعدنا نسولف انا وارجوانه ..

قلت ارجوان جد هلآ بتجي؟! قالت ما اتوقع لأنها دقت علي الفجر وقالت ان عندهم عزيمه وتوها تدري ..

عاد انا ضاق صدري .. قلت ماله داعي اتحمس وآخرتها كذاا اهئ ..

المهم قلت يعني مافي امل تجي .. قالت مدري بس بتشوف امها وترد لي ..

قلت قومي قومي جيبي جوالك اخاف تدق ولا انتي يم الجوال..

قالت طيب وتجيب الجوال ومدري ايش ..

وقالت ان هلآ ماراح تجي ..

قلت اوكي خيرها بغيرها ..

..

المهم بعد فتره دقت هلى على ارجوانه وقالت انها بتجي تسلم وتروح ..

قلت مووو مشكله اهم شي اشوفها ..

عاد يووم جت هلا كنت مررره مستحيه ..

وفوق هذا ماني مصدقه ..

المهم دخلت علينا هلآ ونسلم على بعض سلآم حآر ..

وقعدت ارجوانه تستهبل ومدري ايش ..

المهم ان يوم راحت هلآ .. وللأسف ماكملت 5 دقايق على بعضها ..

تسولف علي ارجوان .. وكل شوي اقاطعها .. اقول من جد هلآ جت ..

ولآ اقول لها يوه ماني مستوعبه والله ماني مصدقه ..

بعدين جت وحده من صديقات ارجوان .. مرررره رهيبه ماشاء الله ..

اسمها بياان .. صراحه ارجوانه وخويااتهااا مررره كيووت وفلآآآآت ..

بس اللي قآهرني

حرآآآآم .. 6 سنين مانشوف بعض .. ويوم جت الفرصه بس 5 دقااايق ..

يلآ الحمد لله على كل حآل .. والجآيات أكثر ان شاء الله..

هع عآد هلّلــو عزمتني ببيتها ..

والحمد لله الحين علآقتنا بدت تررجع ولله الحمد ..

مودتي ,,

أنآ + احلآم اليقظه + الشرقيه

السلآم عليكم ..

..

[ مآحب المقدمآت .. عشآن كذا ما راح استفتح الحكي اللي بقوله :D ]

طبعآ المدونه هذي فتحتها عشآن أقول اي شي يدور في بالي .. :)

سوآء استهبآل .. او سالفه صارت لي .. أو فضفضه .. أو خربشة قلم تسطرها المشآعر ..

..

المهم .. انا الحين فيني هبال ..

وهالكم يوم رايحه فيها واسلآك مخي فآصله .. :$

..

المهم .. انا انسآنه احب الشرقيه .. :$

مب من زينها .. :p

بس عشآن الهآف مون فديته .. :$

اناااا اعشق شي اسمه بحر .. :L

من اشوف صورة بحر أفهّي وشوي وأسعبل من زود الفهآوه .. :d

اعيش عآآآلم ثآآآآآني وأنا اشوف صورة البحر ..

..

المهم ..

[ رحت للشرقيه ..

كنت امشي على رمآل الشاطئ الحآره .. اللي امتصت حرارتها من اشعة الشمس ..

وكنت لآبسه أبيض فابيض [برمودا ابيض وقميص ابيض] ..

وماكان حولي أحد .. يعني الشاطئ فآآآضي ..

المهم كنت أحس برااااحه غريييبه ..

واحس بانتعآآآش ..

كنت أمشي وأنشد ..

ياليت مآضينآ يعود .. تبقى لنآ صدق الوعود

تبقى سمآنآ صآفيه .. لآ برق فيهآ أو رعود

..

وياليت يغشانا الهنا .. وتهجر ليالينا العنا

والشوق يجمع شملنا .. ينمو في داخلنا ويسود

..

اشعل ظلآمك بالهوى .. واروي فؤادٍ مارتوى

في بحرنا نعبر سوى .. نعطف على الحزن ونجود

..

هذي الموده زانها .. رب العباد وصانها

بنلثم جنآ بستآنهآ .. حتى توارينا الورود

..

مابه غموض في الوله .. الحب حل المسأله

طير التسامح اسأله .. تلقآه دآيم في صعود

..

المهم يوم خلصت وتعبت من المشي ..

جلست وأخذت صدفه وكتبت على الرمل أحبك يآبحر ..

تسآبقت الأموآج للشاطئ ومسحت اللي كتبته ..

وامتليت مويه ..

واسمع صوت وراي .. والتفت .. الاقيهآ صديقتي وجدآن ..

جت وجلست جنبي .. وكانت خطواتها هآديه ..

كل شوي تتسآبق الأمواج بسرعه وتنسآب تحتنا بكل سلآسه وعذوبه ..

قامت وجدان وصارت تمشي بالبحر .. قلت وجدان شتسوين ..؟!

قالت خآطري استهبل .. تجين ؟!

قلت خير ان شاء الله شفيك .. لا يكون مصخنه .؟!

وامد يدي بتحسس حرارة راسها .. وتسسسحبني واطيح بالمويه ..

وقفت بصعوبه عشان الموويه .. قلت انا اوريك يالحيوانه ..

والحقها وتطيح واطيح جنبها ونضضضضحك بأقوووى اصوآتنا ..

تطشر علي مويه وانا اطشر عليها ..

واسمع صوت يناديني مره ثآنيه ..

منآآير .. منآآير .. ]

مآقلت لك قووومي .. الساعه 9 قومي ..

وافتح عيوني ..

لآ قهر قهر .. وين وجدان والبحر <- تجربين السجع ؟ :p

<- طبعآ كنت صاحيه .. بس دايخه وفيني النوم ..

يعني هذا من احلآم اليقضه أو أحلآم تمر في عقلي اللا وآعي <- لا يكثر :x

..

المهم اسأل ابوي .. قلت وين محمد ..

قال راح .. قلت وشووووووو وين طس :@

قال للشرقيه ..

عاد انا ولللعت :@

قلت وشوو خير ان شاء الله على كيفه يروح .. ليه ماخذني معه ..

والله قهر :c

..

رحت لابوي اليوم العصر .. قلت يبه متى اجازتك .؟!

قال بشهر 9 ..

قلت لااااااااااا ابي اسافر للشرقيه .. قال مو مشكله باخذ لي اجازه يومين ثلآثه ..

قلت لآع ابي سبوعين ..

قال يابنتي بالعاده نسافر تزعجوني متى نرجع للرياض متى نرجع للرياض ..

قلت ياحبيبي هذي الشرقيه مو اي مكآن ثاني .. :$

قلت طيب ولو مشينا متى بنروح يعني ..

قال مدري بشوف عمكم عبدالله بكرا اذا كان بيخآوينا ..

وكانه مهوب جاي بنروح الاثنين ..

كولولوليييش ونااسه وربي..

المهم قلت اخااف يقول منب رايح وانت تقول زيّه ..

قال يابنتي ازعجتيني كل يوم والثاني ناااطه لي ابي الشرقيه ..

يابنتي لو اوديك وارجع بس لآ تزعجيني ..

وهـ عاد انا الحين ضمنت الروحه ان شاء الله ..

..

ليت أحلآم اليقضه تتحقق بسسسس ..

× واروح للبحر مع وجدانوه وأمجد وأختها ريش ياحبني لهن :$ ×

× سأُخرِجُ مآ بقلبي ولن أخشى شيئآ ×

يآ ترى هل انا ظالمة أم مظلومه .؟!

تسآؤلآتٌ تجولُ في خآطري ..

لِمَ أعيش هكذآ ..

لِمَ أعيش في الهآمش ..

لِمَ أعيش بين أهلي وكأن وجودي كعدمي ..
لِمَ لآ يلقي لي أحد بالآ ..
لِمَ أُظلمُ وأُهآن وأحيآ بالنسبة لأهلي إنسآنةٌ عديمةُ المشآعر ..
سأُخرِجُ مآ بقلبي ولن أخشى شيئآ فلقد مللت الكِتمآن ..

لآ اريد من أحدٍ أن يرأف لحآلي .. بل ماهي إلآ فضفضة أُريحُ بهآ خآفقي ,,

..

أعيش فتآة وحيدة بين 3 شباب .. وعمري 18 سنه ..

وآلدآي منفصلآن ..

وأنآ الضحية في ذلك ..

أسكن مع أبي وإخواني ..

أسكن في بيتٍ كبير بالنسبة لغيري ..

وهو بالنسبةِ لي سجنٌ صغيرٌ والحيآةُ فيه لآ تطآق ..

الكلُّ يحسِدُني .. لأني أعيش في بيتٍ كبير ..

والكلُّ يحسدني .. لأني أبي هو فلآن الفلآني الدكتور المحاضر في الجامعه والصحفي المشهور ..

الكلُّ يحسدني لأن أمي انسآنة رآئعه .. ولهم الحق في ذلك فهذا الشيء الوحيد الذي صَدَقوا فيه ..

والكل يحسدني .. لأني البنت الوحيده .. التي يجب أن تكون هي المدلّلَه ..

..

يحسدوني .؟!

فليحسدوني .. فلآ أملك مآ أُحسدُ عليه ..

أنآ وبمعنى الكلمه .. فتآةٌ بآئسه .. يآئسه .. محطمه .. قآست في حيآتها .. ظُلِمت ..

ومهما تفعل .. فهي المُلآمه ..

أُهآن .. أُذل .. أُهمش .. أتحمل المسؤوليه .. أعآني ضغوطآ نفسية منهم .. ولآ يريدون مني أن أبكي ..

لآ يريدون أن أُدافع عن نفسي ..

لآ يريدون سمآع صوتي ..

لآ يريدون أن أقول أني مظلومه ..

لآ يريدون مني أن اتوسل اليهم طآلبةً منهم الرحمه ..

كل مآ اريده أن أحيآ كبقية الفتيآت اللآتي في سِنّي ..

..

أنآ ..

أتحملُّ مسؤولية المنزل ..

أُعتبرُ أُمآ ..

بل وأُعتبرُ خآدمه ..

..

طلبآتي لآ تُلبى ..

وطلبآتُ إخواني ملبآةٌ مهمآ كلف الأمر ..

آرائي لآ تُسمع .. فلآ أهمية لهآ ..

لِمَ ..؟!

لأني البنت الوحيده ..

..

أطلب من ابي مبلغآ من المآل .. او شراء شيءٍ اعجبني قد رأيتُهُ سلفآ ..

يردُ عليَّ وبكلِّ برود ..

عندمآ تتزوجين ..

ألهذآ الحد .. أثقلتُ عليكم .؟!

ألهذا الحد .. تكرهون وجود فتآة في حيآتكم ..

..

..

لآ إنسآنية في التعآمل ..

..

أطبخ .. أغسل .. أكنس .. أكوي .. أمسح .. أنظف .. أرتب .. ومع هذا .. انتي لآ تفعلين شيء ..

أنتِ إنسآنةٌ عديمةُ الفآئده ..

كلّ هذآ .. لأني البنت الوحيده ..

لأنه ليس من يقف معي ويشد على يدي ..

لأن أمي ليست بجآنبي لتردع كلّ من يتحدث عني ..

..

قبل سنوآتٍ قلآئلَ مضت .. كآن الكُلّ يُعجب بي .. بمنطقي .. بأُسلوبي .. بطريقة تعآملي .. الخ ..

أمآ الآن .. فقد فقدت ذآتي .. لم أعد ذات منطق لم أعد كالسابق صاحبة فكرٍ صآئب وصآحبة حكمه ..

لم أعُد سوى إنسآنة محطمه .. منكسره .. هدتها الحيآه .. هدتها الصعآب .. وهدهآ الظلم ..

..

..

أكرهكم..

إذآ كنتم تريدون ذلك ..

..

يآ إلآهي ..

هل أنا ظآلمةٌ أم مظلومه ..

..

اريد ان احيآ وأعيش كصديقآتي ..

اريد ان افعل هذا وذاك ..

أريد أن أقول رأيي في كل شيء ولآ أكترث لأحد ..

أريد ان أُعبر عن ذاتي ..

..

صديقآتي يلآحظن عليّ تغيرآ سلبيآ في نفسيتي وفي تعآملي ..

إعذُرنَنِي يآ صديقآتي .. فوربي لست أتحملُ أكثر ممآ تحملته ..

فلو ذآقت إحدآكن مآ أُقآسي لعذرتني ..

..

أفتقر حنآن الأب ..

أفتقر روح الأُخُوّه ..

أفتقر حنآن الأم ..

أفتقدُ الحُب في حيآتي ..

أفتقد الهنآء ورآحة البآل ..

..

عندمآ أشكو إلى أبي .. ولمآذآ أنآ وأنتم هكذآ .. يرد بكل جفآء .. تزوجي لترتآحي ..

كلّ مآ يفعله .. وكل هذآ الضغط .. لكي أُفكر بالابتعآد عنه وأعيش على ذمة رجلٍ مجهول ..

..

تريدني أن أتزوج .. لك الحق في ذلك .. فهذه أمنية كلّ أبٍ يريد أن يطمئن على بنآته ويرى أحفآده ..

لكن ليس لك الحق في حرمآني من أتفه حقوقي .. وتتحجج بأني إذآ تزوجت سأجِدُ كُل مآ تمنت نفسي ..

حقآ .. منطقٌ غريب ..

أُنآسٌ غريبون ..

عقولٌ غريبه ..

!!

يآ إلهي ..

هل أنآ ظآلمةٌ أم مظلومه .؟!

× أحبك ×

مآ أروعك ..

عندمآ أرآك .. أقِفُ عاجزةً عن التعبير .. لروعةٍ تمتلكهآ ..

..

أحبك ..

فلآ أحد لي سوآك يفهمني ..

لآ احد يخرجني من همومي وآلآمي سوآك ..

أحب أن أكون بقربك ..

أستنشق عطرك..

أشكو لك أحوآلي ..

فهل تفقهُ شكوآي ..!!

..

أحبك ..

فأنت تشبه مَن أحبهم مِن صحآبٍ هُم أروع الصِّحآب ..

ريم ..أمجآد

تشبههم لنقآء قلوبهم ..

تشبههم بروعتك وروعة ما تحتويه أحشآؤك ..

كمآ هي قلوبهم ..!!

..

أحبك ..
لأنك تشبه حبيبتي "أمي" ..
فأنآ احب ان اكون بقربهآ ..
أُحب دفئ حضنهآ وحنآن قلبهآ..
أحب ان ارآهآ وأسمع أحوآلهآ ..
أحب ان استمع الى خرير قطرآتك كما هو صوتهآ ..

كم أنتمآ هادِئآن ..

كم أنتمآ رآئعآن ..

..

أحبك ..

لأن الكل يحبك ..

..

أحبك ..

لأني حقآ احبك ..

أحب تصآرع أموآجك ..

أحب روعة لونك ..

كم أحس بالرآحة عندمآ أرآك ..

كم أتمتع بصفآءٍ في ذهني عندمآ اغمض عينآي وآشتم رآئحتك وأستمع الى رقة صوتك ..

..

[ أحبك ]

كلمةٌ لآ تصف صدق مشآعري نحوك ..

..

فهل أنآ مـُـلآمةٌ حينمآ أُحبك ..!!

..

أحبكَ .. وأُحِبُ تلآطم أمواجٍ تحتظِنُهآ .. [ أُحِبُّكَ يآ بَحَر ]

× I Dream Of Flying ×

يآ طير ..

أعرني جنآحيك لأحلق بهمآ بعيدآ .. لأطير بهمآ عآليآ ..

لأستعيد حريتي ..

يآطير كم انت حرٌ ولآ تعلم ..!

يآطير احملني على جنآحآك وطر بي عآليآ لأجمع شتآت السحآب وأحضنهآ ..

لأشهد لحظآت سقوط المطر ..!

لأُبآهي النآس بحريتي ..

كم أنت محظوظ لأنك لم تخلق كالبشر ..

..

طر وحلّق عآليآ .. فهنيئآ لك .. بأنك حرٌ ولست من البشر ..